GENERAL SANTOS CITY – Malaumon ang lokal nga panggamhanan sa GenSan nga masakmit ang Red Orchid Award ning tuiga.
Sa pakighinabi sa Bombo Radyo kang Jenny Panizales, focal person sa DOH-12, gibutyag niini nga dakong dungog kon masakmit sa siyudad ang labing prestihiyoso nga Red Orchid Award, gumikan dili lamang kini gikan sa DOH inay sa World Health Organization kon WHO.
Kini usab matud pa ang magpamatuod nga nahimong epektibo ang kampanya sa anti-smoking policy sa siyudad.
Ipahigayon matud pa ang validation sa ulahing semana sa August hangtod sa unang semana sa Setyembre, kung asa may validation team gikan sa main office sa DOH, apil na ang gikan sa WHO ug gikan sa ubang LGUs nga musuta sa siyudad, kon tinuod nga wala nay mga gapanigarilyo.
Samtang ang awarding ang ipahigayon sa unang semana sa Oktobre.
