GENERAL SANTOS CITY – Nagtuo si City Councilor Jeng Gacal nga gitikasan ang syudad sa Small Townj Lottery (STL).
Matud niini dili siya makatuo nga sulod sa usa ka adlaw P100,000 lang ang kita sa tanang STL outlets dinhi sa dakbayan.
Buot ipasabot, walay klaro ang remittance sa STL sa City government gumikan kung pila ang kita adunay 3% nga share ang syudad.
Gikadugang pa ni Kag. Gacal, sa ilang pagbana-bana anaa sa P3million ang kita kaniadto sa last 2 sa syudad matag adlaw.
Hinungdan nga dili gayud siya mutuo nga P100,000 lang ang kita sa tanang STL outlets sa GenSan.
Samtang gipaklaro ni Kag. Gacal nganong wala pa kini nagduso og resolosyon nga i-revoke ang concurrence sa operasyon sa STL.
Matud pa niini, kini gumikan iyang nasayran nga kulang ang suporta kaniya sa mga kauban sa konseho.
