Gibutyag sa abogado ni kanhi Pangulong Rodrigo Duterte nga wala sila nakuratan sa mga dokumento nga gipasa sa International Criminal Court (ICC) kalabut sa kasong giatubang sa kanhi presidente sa madugong kampanya kontra droga.
Sumala ni Atty. Nicholas Kaufman, bisan dili pa niya mabutyag ang reaksyon ni Duterte og ilang legal strategy, apan gitun-an pagmaayo ang kapin 2,300 ka dokumento nga gisumite sa prosecution gikan Hulyo 1 hangtud 4, kung asa ang uban ang may 100 ka buok ka panid.
Gikadugang pa ni Kaufman nga siyam ka eksperto ang sakop sa ilang legal team, nga nagatutok sa preparasyon alang sa confirmation of charges hearing karong Setyembre.
Sa bag-ong dokumento nga gi-file sa miaging Hulyo 10, subli nga gihingusgan sa kampo ni Duterte ang ilang baruganan nga walay hurisdiksyon ang ICC sa kaso, tungod kaya sulbaron sa sulod sa sistema sa hustisya sa Pilipinas.
Gisgutan usab ni Kaufman ang suporta sa pipila ka Pilipino sa panawagan nga dili ipadala si Duterte sa ICC, susama sa resolusyon ni Senador Alan Peter Cayetano nga nagsuporta sa house arrest imbes nga internasyonal nga paglitok.
Kalabut sa kahimtang sa panglawas ni Duterte, gipasalig ni Kaufman nga maayo ang kondisyon niini, bisan pa sa iyang edad ug halos upat na ka bulan nga nabilanggo sa The Hague.
Iyang gipasabot nga dili angay kabalak-an sa health bulletin tungod giatubang sa ICC.
Sa karon, nagpabilin nga sensitibo ug istrikto ang proseso sa ICC samtang nagpadayon ang legal nga bangi tali sa kampo ni Duterte ug sa international prosecutors, nga nagtinguha nga mahatagan og hustisya ang mga nabiktima sa gubat batok sa ilegal nga droga.
