Wala pa gihapon makapili si NBA superstar LeBron James kung asa siya mobalhin nga koponan.
Milabay na ang kapin duha ka semana sukad nga opisyal niyang gibiyaan ang Los Angeles Lakers aron mosulod sa free agency.
Sa iyang unang public appearance sukad sa iyang pagbiya sa Lakers, gipangutana si LeBron kung nakapili na ba siya og bag-ong koponan.
Apan, wala niya kini tubaga sa direkta. Hinuon, mipahimangno lamang siya nga dili na madugay ug mahibal-an na sa publiko ang iyang pinal nga desisyon.
Sa pagkakaron, daghang mga koponan sa NBA ang nagpahayag na sa ilang interes nga makuha ang serbisyo sa superstar, lakip na ang Cleveland Cavaliers ug Miami Heat nga kaniadto niyang gidulaan ug gidala ngadto sa NBA Finals.
Apil usab sa mga nagpakita og interes ang Philadelphia 76ers, Golden State Warriors, Indiana Pacers, ug uban pang mga koponan.
Gipasalig usab sa upat ka higayon nga NBA champion nga bisan asa man siya mapadulong, paningkamotan niyang mohaom sa sistema sa iyang bag-ong koponan ug ihatag ang tanan niyang mahimo bisan pa sa iyang panuigon.
