GENERAL SANTOS CITY – Dead on arrival ang usa ka lalaki human kini malumos.
Giila ang nahisgutan nga si Roy Suico, 34, Prk 2, Sto. Nino, Apopong ning syudad.
Sumala pa sa igsoon niini nga si Yvonne Camino Suico nga sa miaging gabii nisabay ang nasampit sa ilang silingan sa usa ka resort sa dakbayan aron maki-birthday.
Milabay ang pipila ka oras, wala na nakabantay ang mga kauban niini nga nag-inusara nga nag-langoy langoy sa dagat.
Mahitungod anaa sa low tide ang dagat, nakaabot kini sa perimeter area kung diin gibadlong sa mga lifeguards, apan wala nihawa ang nahisgutan hangtod sa nakit-an na lang kini nga naglutaw-lutaw sa dagat.
Dali dayung gi-rescue ug gi-CPR ang nahisgutan og gidala sa ospital.
Aminado sila Yvonne nga problemado ang iyang igsuon nga si Roy tungod aduna matud pay laing karelasyon ang misis sa nasampit nga anaa sa abroad, apan wala nila damha nga nagpasobra sa pag-inom.
Depensa pa sa resort nga wala sila nagkulang gumikan pipila ka higayon nang gibadlong sa ilang lifeguard ang nahisgutan.
Anaa karun sa pribadong purenarya sa syudad ang patayng lawas sa nahisgutan.
