Nag-viral ang video sa usa ka lalake sa Ellis County, Texas nga mipalit ug gitara nga anaay autograph ni Taylor Swift sa usa ka ‘auction’ para lang gub-on kini gamit ang martilyo.
Ang gitara nagkantidad ug US$4,000 o PHP225,784.
Ang subasta gihimo kaniadtong Setyembre 30, 2024, sa Ellis County Wild Game Dinner, usa ka non-profit nga kalihokan nga nagsuporta sa agricultural education alang sa local youths.
Ang Taylor Swift-signed guitar ang adunay certificate of authenticity nga nag pamatuod nga gikan sa song writter and singer ang maong gitara.
Sa usa ka video nga gi-upload sa social media makita nga gikuha sa lalaki ang gitara, dayon gibunalan kini gamit ang martilyo.
Ihapak na unta niya ang gitara sa salog, apan gipugngan siya sa tagdumala sa kalihokan.
Sukad nag-viral ang video, nikatap ang espekulasyon nga gihimo kini sa lalaki isip protesta sa pag-endorso ni Taylor Swift kang US Vice President Kamala Harris alang sa election.
