Bukidnon-Patay ang usa ka lalaki human gidunggab sa anak sa iyang kanhing kapuyo sa Purok 6, Barangay Mantibugao, Manolo Fortich, Bukidnon.
Base sa report giila ang biktima nga si alyas Felix samtang ang suspek ang giila nga si alyas Juniel, 18-anyos nga pareho nga mga residente sa nasampit nga barangay.
Migula sa inisyal nga imbestigasyon sa kapulisan miadto ang biktima sa balay sa iyang kanhi kapuyo, dihang kalit lang kini nga gidunggab sa suspek.
Gilayon usab nga miikyas ang suspek human sa pagbuhat sa krimen samtang ang biktima gidala sa balay tambalanan apan gideklara nga patay sa doctor.
Sa kasamtangan nagpadayon ang makuti nga imbistigasyon sa mga otoridad sa motibo krimen.
Giandam na usab ang kapulisan ang pagpasaka og kasong pagpatay batok sa suspek nga nakasibat.
