Walay “Alice Leal Guo” nga nakit-an sa address nga nalista sa NBI clearance sa gikaingong “other” Alice Leal Guo.
Sumala sa taho, giadtuan sa mga sakop sa NBI ang maong adress apan usa ka magtiayon ang nagpuyo sa balay sa maong address ang nagkanayon nga walay “Alice Leal Guo” sa pinuy-anan ug wala silay kalambigitan sa bisan kinsa nga parehas sa maong ngalan.
Gidugang usab nila nga ang balay giabangan isip parlor nga adunay upat ka mga empleyado sa miaging duha ka dekada.
Kahinumdoman nga base sa Senate hearing niadtong Miyerkules, nagpresenta si Senador Risa Hontiveros og NBI documents sa laing “Alice Leal Guo” nga adunay samang eksaktong pangalan, petsa sa pagkatawo, ug lugar nga natawhan sa gisuspende nga mayor sa Bamban.
Sa maong ebodensya nagsugod ug pangutana ang magbabalaod kung “coincidence” ba nga may duha ka Alice Leal Guo nga dungan nga gipanganak niadtong Hulyo 12, 1986, sa Tarlac o usa ba kini ka kaso “stolen identity”.
Ang suspendidong mayor sa Bamban wala sa pagdungog gumikan nasakit matud pa kini ug na-stress.
