GENERAL SANTOS CITY – Usa ka drug courier ang babaye nga nadakpan sa Nat’l Highway, Villaconsuelo Subdivision, Brgy.City Heights ning syudad aging adlaw.
Kini ang gibutyag ni Police Major Benjur Catcatan, hepe sa Lagao Police Station human nga napasakaan na ug kaso ang nagpangalan og Normina Pendaliday alias Lyn, 26 anyos, walay trabaho nga residente sa Labu-Labu Shariff Aguak Maguindanao. Gibutyag ni P/Major Catcatan dugay nang pabalik-balik sa GenSan ang suspek aron sa paghatod og droga sa iyang mga parokyano dinhi sa syudad.
Ang usa sa nahatdan ni Pendaliday nga si Jamar Cabalo nga unang nadakpan sa kapulisan nagbutyag nga kaduha ka higayon na kining nahatdan og druga ni Pendaliday.
Gidugang pa sa opisyal nga gikan sa Maguindanao ang druga nga ginadala ni Pendaliday kung asa ga-commute lang og bus og ang droga ang ginabalot sa masking tape og dayon itago ubos sa bra.
Kasong selling og delivery of illegal drugs sa Comprehensive Dangerous Drugs Act of 2002 ang giatubang karon sa suspek human nga narekober kaniya sa mga pulis ang 30 gramos sa gituohang shabu nga mobalor ug kapin P200,000 gawas pa sa P30,000 cash.
