Lacson gitudlo isip bag-ong chair sa Senate Committee on Accounts

Gitudlo si Senate Pro Tempore Panfilo “Ping” Lacson isip bag-ong chairman sa Senate Committee on Accounts, hulip kang Senador Loren Legarda.

Atol sa plenary session, gisugyot ni Senate Majority Leader Juan Miguel “Migz” Zubiri ang pagpapili kang Lacson sa posisyon human ni-resign si Legarda.

Giaprobahan dayon ni Senate President Tito Sotto ang mosyon human walay senador nga misupak.

Ang nasampit nga posisyon maoy nagdumala sa mga butang nga may kalabotan sa pag-audit ug pag-adjust sa tanang mga account nga gikuha gikan sa pundo para sa mga galastohan ug mga kalihokan sa Senado.

Kahinumduman nga niuyon si Lacson sa plano nga tun-an ang pagtukod og bag-ong edipisyo sa Senado sa dakbayan sa Taguig, ilabi na sa pagsaka sa galastohan.