Emosyonal nga gihinumdom sa Queen of All Media nga si Kris Aquino ang iyang karaan nga kaugalingon samtang nagpadayon siya sa pagpakig-batok saiyang sakit.
Kahinumduman nga niingon si Kris nga aduna siyay siyam ka-diagnose nga autoimmune disease, ug ang ikanapulo nga resulta sa mga komplikasyon.
Matud pa sa post sa social media sa suod nga higala ni Kris ug kanhi showbiz writer nga si Dindo Balares, naa si Kris sa usa ka private resort diin siya giatiman ug gilutoan og mga organikong pagkaon.
Kusganong gihimakak usab ni Balares ang mga tsismis nga naa sa Caramoan si Kris, ug giklaro niini nga dili kini tinuod.
Samtang, taliwala sa iyang kahimtang, padayon nga nagsuporta ug nag-ampo ang iyang mga higala ug fans alang sa iyang hingpit nga pagkaayo.
