Korte sa South Korea, nagpagawas og warrant of arrest batok kang impeached President Yoon

Nagpagawas og warrant of arrest ang korte sa South Korea alang sa na-impeach og suspendidong presidente nga si Yoon Suk Yeol.

Gumikan kini sa iyang gideklarang Martial Law nga nagresulta sa daghang problema.

Ang warrant gipagawas human nga wala misipot si Yoon sa tulo ka higayon nga imbestigasyon.

Siya nag-atubang sa mga kasong kriminal nga mahimong magresulta sa tibuok kinabuhi nga pagkabilanggo o silot kamatayon.

Ang Presidential Security Service mibalibad nga musunod sa tulo ka search warrants, og wala pa sigurado kung paunsa ipatuman ang arrest warrant batok kang Yoon.