Duol na sa pag-angkon sa kampeonato ang New York Knicks human makab-ot ang 3-1 nga abanse sa serye pinaagi sa 107-106 nga kadaugan batok sa San Antonio Spurs sa Game 4.
Bisan og nakaangkon og 27 puntos nga abante ang Spurs sa unang bahin sa dula, nakahimo og dakong pagbalik ang Knicks sa ikaduhang bahin aron mabawi ang kalamangan ug masiguro ang usa ka puntos nga kadaugan.
Nanguna sa New York si Jalen Brunson nga adunay 36 puntos, 7 assists ug 3 steals, samtang misuporta si OG Anunoby pinaagi sa 33 puntos ug 4 rebounds.
Sa kampo sa Spurs, nagtala si Victor Wembanyama og 24 puntos, 13 rebounds ug 3 blocks apan wala kini igo aron mapugngan ang pagbangon sa Knicks.
Midugang usab si Dylan Harper og 21 puntos ug 4 rebounds.
Tungod sa maong kadaugan, usa na lamang ka daog ang kinahanglan sa Knicks aron makuha ang NBA championship.
Sa laing bahin, kinahanglan modaog ang Spurs sa sunod nga dula aron mapadayon pa ang ilang kampanya sa serye.
