GENERAL SANTOS CITY – Sayu nga namauli ang mga magtutungha human nagdesisyon ang mga tigdumala nga papauli-on na lamang ang mga nahisgutan human ang pagtay-og sa yuta.
Kini human nasinati-an ang magnitude 5.2 nga linog nga nanukad sa Don Marcelino Davao Occidental apan nabatyagan sa mga silingan nga mga lugar alas 4:34 sa hapon Nobyembre 19, 2024.
Ang naasoy nga linog may gilawmon nga 53 kilometros ug tectonic in origin.
Gumikan niini Intensity lll ang Don Marcelino, Davao Occidental, Alabel Sarangani province, Intensity ll ang Jose Abad Santos Davao Occidental, Malungon Sarangani, General Santos, Matan-ao Davao del Sur, ug Tupi South Cotabato samtang intensity 1 ang Sarangani, Davao Occidental, Magsasay Davao del Sur, Tampakan, T’boli ug Banga South Cotabato, South Cotabato, Kidapawan City, Cotabato, Lambayong Sultan Kudarat, ug ang Davao City.
Kahinumduman nga Nobyembre 17, 2023 dihang nasinati-an ang magnitude 6.8 nga linog nga gikamatay sa pipila ka indibidwal ug pagkaguba sa daghang gambalay ug imprastuktura hilabi na sa Sarangani Province.
