Nagtanyag og P20 milyon nga reward ang Kingdom of Jesus Christ (KOJC) kung kinsa ang makahatag og impormasyon sa naghatag og donasyon nga P10-M sa gobyerno isip reward sa puganteng si Pastor Apollo Quiboloy.
Sumala kang Atty. Israelito Torreon, abogado ni Quiboloy, nga gusto sa KOJC nga masayran kung kinsa ang nagpaluyo sa paghatag og P10-M kang Department of Interior and Local Government (DILG) Secretary Benhur Abalos.
Dugang pa niini nga iligal matod pa ang pagdawat og salapi gikan sa pribadong tao nga anaa ilawom sa Republic Act 6713 section 70 kung asa klaro nga gibawal ang pagdawat sa mga public officials og unsa mang salapi gikan sa pribadong tawo.
Gusto usab sa KOJC nga masayran kung kinsa ang nagaluyo sa pagmugna ug assasination team nga maoy mupatay matod pa kang Quiboloy.
Ang maong kantidad gikan sa nagkadaiyang miyembro nila sa tibuk kalibotan.
Kahinumduman nga kaniadtong Hulyo 8 dihang gianunsiyo sa DILG nga adunay tanyag nga P10-M nga reward sa kinsa man nga makatudlo sa gihimutangan ni Quiboloy og tag-P1-M sa mga co-accused niini.
