Gipahibalo ni Joseph Timothy Rivera, Bombo International Correspondent sa Qatar, nga bisan sa padayon nga mga serye sa pag-atake sa Qatar, naanad na ang katawhan sa nasud sa maong sitwasyon.
Matud niya, bisan pa sa kahadlok ug kakulba nga ilang nabati matag adlaw, mapasalamaton gihapon ang mga residente tungod kay sa tibuok Qatar, wala’y natala nga namatay, ug gamay ra kaayo ang mga naangol kumpara sa ilang mga silingang nasud.
Gipahimutang gihapon ang hugot nga safety measures ug pagsunod sa balaod aron mapadayon ang kaluwasan sa katawhan. Ang gobyerno sa Qatar nagpabilin sa pagbantay ug pagpatuman sa mga protokol aron malikayan ang dugang kadaut.
Sa laing bahin, padayon usab ang tabang gikan sa gobyerno sa Pilipinas alang sa mga kababayan nga naapektuhan sa sitwasyon. Gihatagan ang mga trabahante og food packs, labi na kadtong “no work, no pay”, ug giandam usab ang repatriation alang sa mga gustong mobalik sa Pilipinas.
