GENERAL SANTOS CITY Gihingusgan ni Bombo International Correspondent Melisa Milone sa Jersey sa Amerika nga walay pulos ang mga kaso nga gipasaka batok kang kanhi US Pres. Donald Trump.
Matud pa niini nga kini gumikan dugay na ang nahitabo kung asa ang gusto lamang sa mga nag-akusa kang Trump nga pugngan ang pagpapili niini sa sunod nga election.
Sa pamahatag pa nasampit nga bisag ang ubang Democrats nga kaatbang sa partido ni Trump ang nasuko sa gihimo sa jury sa New York.
Gituohan nga gipulitika ang justice system sa Amerika.
Gibutyag nga political issue ang nahitabo gumikan magpapili si Trump sa sunod tuig nga election.
Kahinumduman nga gikasuhan sa grand jury si Trump kalabutan sa $130,000 hush-money nga gibayad sa porn star aron pahilumon atol sa 2016 campaign sa presidential election.
