Naglab-ot na sa 52 ang natukiban nga kaso sang mpox sa Pilipinas.
Matod ni Department of Health (DOH) Sec. Ted Herbosa, sa maong gidaghanon, kasagaran sa mga kaso o 33 ang natala sa Metro Manila.
Gisundan kini sa Calabarzon nga adunay 13 ka kaso ug Central Luzon nga adunay 3 ka kaso.
Sa Cagayan Valley, 2 ang nataptan sa maong sakit samtang ang usa sa Central Visayas.
Ang kinamanghuran kanila 6 ka bulan ang edad ug ang labing tigulang 66 anyos. Kadaghanan kanila walay kontak sa laing indibidwal nga adunay mpox samtang ang usa ka kaso nakuha kini sa laing nasud.
Gitataw sa kadagkoan sa DOH nga ang tanang nataptan sa maong sakit dinhi sa nasud nagpositibo sa clade II nga mas milder nga matang sa mpox virus.
Sa mga nasangpit nga kaso, adunay usa nga gikataho nga namatay apan giklaro sa DOH nga comorbidity ug dili mpox ang hinungdan sa iyang kamatayon.
Sa laing bahin, ang DOH dili kaayo mahadlok sa maong sakit kay mapasa kini pinaagi sa skin to skin close intimate contact, busa hinay ang transmission niini.
Apan matud niya nga padayon pa nga gibantayan sa ilang task force ang mga kaso sa mpox ug gitambagan ang publiko nga mogamit og sabon ug tubig aron mapatay ang virus ug mogamit og gloves sa paghugas sa kontaminado nga mga butang.
