Gisapinal na sa Minnesota Timberwolves ang pagbalhin kang Karl-Anthony Towns sa New York Knicks.
Base sa inisyal nga detalye sa trade, ibaylo kang Towns silang Julius Randle og Donte DiVincenzo, lakip ang usa ka first-round draft pick.
Si Towns nagpabilin sa napulo nga season sa Wolves, ang team nga mipili kaniya isip 1st overall niadtong 2015.
Nahimo usab ni Taowns nga dalhon ang Wolves sa pipila ka playoff og nakasulod sa Western Conference finals niadtong milabay nga season, sa tabang sa bag-uhan nga guard nga si Anthony Edwards.
Si Towns, lakip sa pipila ka player sa tibuok liga nga miabot og usa ka dekada sa usa ka team hinungdan nga daghang analysts ang nakurat sa iyang pagbalhin ilabina nga wala siya nagpakita og unsa mang interes nga muhawa sa Minnesota.
Samtang, bisag limitado lamang ang pagdula sa milabay nga season gipaabot nga mamahimong dakong tabang si Randle sa Wolves, kauban ang sharp shooter nga si DiVicenzo.
Makauban sa duha si Edwards og ang 7 footer nga si Rudy Gobert.
Sa kasamtangan, wala pay suysamang detalye nga gipagawas sa maong deal.
