GENERAL SANTOS CITY – Gatuo ang kapulisan nga walay mga koneksyon og isolated lamang matud pa ang mga pagpamusil nga natigayon dinhi sa dakbayan.
Matud kang PLt.Col.Aldrin Gonzales, tigpamaba sa General Santos City Police Office, adunay kamanduan si City PNP Director PCol. Paul Bometivo sa matag presinto sa kapulisan og nagkadaiyang unit sa GSCPO nga tutukan pagmaayo ang mga gakahitabo nga shooting incident.
Gibutyag ni Gonzales nga wala sila nagapasagad sa ilang trabaho tungod wala gahunong sa pagpangita sa mga responsable. Gisiguro ni Gonzales nga himuon sa kapulisan ang tanan aron maresolba ang mga gakahitabo nga mga pagpamusil sa syudad.
Kahinumduman nga sa ulahing pagpamusil sa dakbayan usa ka sikad driver ang nahimong biktima.
Giila kini nga si Joel Enciso Francisco, 37 anyos nga residente sa Brgy Calumpang.
Samtang gamaneho sa sikad, gisundan sa duha ka wala mailhing suspek og gipusil nga hinungdan sa iyang kamatayon.
