GENERAL SANTOS CITY | Pabor si Barangay Calumpang Kapitan Arthur Ryan Dupalco nga ihinayon na ang election sa Barangay ug Sanggunian Kabataan nga gitakda karong Desyembre singko niining tuiga. Kini luyo sa sogyot nga isibug sa Mayo sa sunod tuig apan nakadikit niini ang nasinati-ang problema sa padayon nga pagsaka sa presyo sa petrolyo. Kini tungod ang Barangay Kapitan maoy mubalanse sa kita sa barangay ug sa mga galastuhan sama sa sweldo, pagpaayo ug dalan ug pagpahimo ug mga edipisyo ug galastuhan sa mga ekipo.
Giangkon niini nga usa ka malisod nga trabaho ang pagpadagan sa usa ka barangay nga adunay 43 ka purok nga may dul-an 98,000 ka mga residente. Matud niini ang mas bug-at ang trabaho sa Kapitan kumpara sa usa ka Mayor sa munisipyo u syudad tungod tulo ang function niini ug kini ang executive, judiciary ug legislative nga hilabihan ka bug-at nga trabaho.
Apan alang kang Jong Gorgonio usa ka residente sa Barangay City Heights nga ong over due na ang election sa barangay ug SK tungod upat ka tuig na sa serbsiyo ug kinahanglan na gayud nga pulihan. Una ng gibutyag sa taga Commission on Elections nga mahinayon man u dili ang December 5 elections ila kining pangandaman.
