GENERAL SANTOS CITY – Gimahay ni Barangay Tango Kapitan Edwin Pacaldo ang contructor nga wala gitarong ang pagtrabaho sa mga panimalay sa Pacman village hinungdan nga nausik ang proyekto nga gipahimo ni Senador Manny Pacquiao.
Nagdinali matud pa ang contructor hinungdan nga gilamo-lamo ang trabaho human gipapakyaw sa mga trabahante.
Usa sa nakita nga hinungdan mao ang kakulang sa kasinati-an sa Project Engineer nga gitawag pa niini ug apprentice tungod bag-o lamang naggraduate sa Engineering.
Luyo nga daghang palpak ang ilang nakita apan ila kining nakorehi-an pinaagi sa pagbadlong sa mga trabahante sama na lamang sa dili paglubong sa pundasyon sa hollow block.
Nasayang matud pa ang tig P240-mil nga kantidad sa matag balay tungod mikang-a ang kasagaran nga pultahan luyo sa nangliki nga salog ug nangatukas nga kisame.
Gisaysay pa niini ang balay sa kabanay ni Senador Pacquiao nga gitukuran lamang ug kahoy aron dili matagak ang ilang atop.
Nasayran usab nga duha ang contructor sa nahisgutang pabalay ni Pacquiao ug kini ang South Min Habitat ug si Egineer Eking Marcillana.
