Katibuk-ang anaa sa 29,390 sa 42,002 barangay sa nasud ang drug cleared na.
Kini base sa labing ulahing report gikan sa Philippine Drug Enforcement Agency (PDEA).
Gibutyag ni PDEA Director General Isagani Nerez nga may 320 ka lugar ang “unaffected” o mga barangay kung asa walay natala nga indibidwal nga gagamit og droga, drug den maintainers og laing ilegal na drug activities.
Anaa sa 6,179 barangay ang gideklarang “drug-free,” nga nagpasabot nga gikumpirma kini sa Regional Oversight Committee on Barangay Drug Clearing (ROCBDC).
Apan anaa sa 6,113 barangay ang gikonsidera nga “drug-affected.”
Gikan January 1 hangtud March 31, nagpahigayon ang PDEA og ang laing ahensya sa gobyerno og 10,161 operasyon nga nagresulta sa pagkaaresto sa 13,497 ka indibidwal og kapin sa P6.90 billion ang kantidad sa illegal nga droga ang nakumpiska.
