GENERAL SANTOS CITY – Gisayod na karon sa Business Permits and Licensing Division nga kung pila ka mga negosyo sa dakbayan ang nanirado tungod apektado sa coronavirus disease pandemic 2019.
Matud pa ni Geraldine Zamora, Division Head sa BPLD nga kapin 400 ka mga negosyante sa syudad ang nag-apply og retirement sa ilang negosyo sa ilang buhatan.
Gibutyag niini, wala pa masayran kung pila ba gayud ka mga negosyante ang nag-apply og retirement sa ilang negosyo tungod sa covid 19.
Hinuon sa pamahayag sa nasampit nga opisyal nga ang may pipila ka negosyo nga karon lang nag-apply og retirement sa BPLD apan dugay nang nanirado.
Giawhag ni Zamora ang mga negosyante nga kun manirado sa ilang negosyo angayang mag-apply gayud ‘for retirement’ tungod kung pakyas nga mahimo singlon sa surcharges og penalties sa umaabot nga panahon.
