-- ADVERTISEMENT --
Nitaliwan na ang kanhi aktor sa TGIS nga si Red Sternberg sa edad nga 50 anyos niadtong Martes, Mayo 27, gikumpirma kini sa iyang asawa nga si Sandy sa Facebook post kagahapong adlawa.
Si Red, kansang tinuod nga ngalan mao si Rodwick, magsaulog unta sa iyang ika-51 nga adlawng natawhan kagahapong adlawa Mayo 30.
Kahinumduman nga naila si Red nga “Kiko” sa sikat nga youth-oriented show niadtong dekada 90, diin kauban niya sila Angelu de Leon, Bobby Andrews, ug Rica Paralejo.
Wala ipaambit sa pamilya ang hinungdan sa iyang kamatayon, ug nangayo sila og privacy samtang sila nagbangutan.
Sa pagkakaron, wala pay detalye nga gipagawas kalabot sa memorial service sa kanhi aktor.
-- ADVERTISEMENT --
