GENERAL SANTOS CITY – Nagsumite ug petisyon kampo ni Ex-Congressman Jun Acharon ngadto sa Comelec.
Kini may kalabutan sa desisyon sa Korte Suprema nga ipadeklara nga kongresista sa 1st District of South Cotabato si kanhing Vice Mayor Shirlyn Nograles.
Sa unod sa petisyon, kinahanglan matud pa ang pagbuhat ug aksyon sa Comelec en banc aron nga makwestyon ang may kalabutan sa maong desisyon human nga gisuspinde ang election niadtong may 2019 elections tungod sa pag-apruba sa balaud nga nagtunga sa Gensan isip 3rd District ug Polomolok, Tupi, Tampakan isip 1st District.
Gani, daghang residente ug registered voters sa Gensan ang wala makaboto sa niadtong May 13, 2019 elections human nga gisuspinde ang iskedyul sa piniliay subay sa Resolution 10524.
Hinungdan nga gipaundang ang kampanya sa mga kandidato ug wala na gipaboto sa piniliay. Samtang gibutyag usab ni Nograles nga katungod ni Acharon nga kwestyunon ang balaud ug mu-file ug motion for reconsideration apan ilang gibarugan nga mihatag na ug pinal nga statement ang KOrte Suprema kon asa nahimong unanimous ang desisyon.
