GENERAL SANTOS CITY – Gibanabanaang mahumod sa ulan ang katawhan paghidangat sa bulan sa Hunyo, kini ang pahayag ni Binrio Biñan, Chief Meteorological Officer sa Philippine Atmospheric, Geographical, and Astronomical Services Administration Gensan sa paghisgot sa transition sa nasinati-ang hulaw padulong sa ulan-ulan sa sunod nga mga bulan.
Matud ni Biñan nga sa bulan sa Mayo masinati-an ang neutral condition ug lauman nga mahimong duol na ang ting-ulan kun rainfall apan mas maayo nga pangandaman na ang masinati-an nga problema nga dala sa ting-ulan.
Kini tungod adunay 62 porsyento sa posebilidad nga mudiretso na sa La Niña luyo nga normal pa ang sitwasyon sa Hunyo ug Hulyo apan ilang gitan-aw nga sunod mga bulan magsugod na ang ting-ulan ug lauman nga makasinate ug mga makusog nga pag-ulan.
Kung muabut na matud pa kana nga higayon laing problema unya ang masinati-an ug kini ang negatibu nga epekto sa ulan ang pagbaha, pagbara sa mga kanal ug pag-awas sa tubig.
