GENERAL SANTOS CITY – Gusto sa ubang mga magbabalaod nga dili ilakip sa anti squatting ordinance ang mga pribadong area.
Matud pa ni Kag. Edmar Yumang ang author sa maong sugyot balaodnon nga kini ang rason nganong nadefer kini sa miaging session.
Apan sumala pa niini, luyo nga dili musugot ang mga kaubanang konsehal ipadayun gihapon niya ang anti squatting ordinance gumikan nahimong dugay na nga problema sa syudad ang maong isyu.
Gusto sa ubang mga city councilors nga lahion ang paghisgot o kaha sa probisyon may kalabutan sa pribadong o kaha sa pampubliko luna.
Nakalatid sa maong sugyot balaodnon nga ang mga barangay officials ang may katungod nga magdemolish sa mga gipatukod nga mga istraktura og mahimong kasuhan ang mga professional squatters.
Ang depinisyon sa mga mga professional squatters nga kadtong grupo o indibidwal nga musulod sa area nga supak sa kabubut-on sa tag-iya.
Lakip kadtong mga kanhi na nga gihatagan og yuta sa gobyerno nga sudlon ang laing lugar.
