Nagpaklaro si Dr. Fidel Peñamante, presidente sa GenSan Medical Society nganong angayang bawalan ang mga kabataan nga muadto sa mga malls.
Matud pa ni Dr. Peñamante nga kini gumikan ang mga kabataan ilabi ang singko anyos paubos ang wala pa nabakunahan batok sa COVID 19.
Tungod niini taas ang risgo sa mga nasampit nga matakdan sa virus.
Kahibaluan nga sa dihang gitugtan na ang mga bata nga mugawas sa balay dungan sa pag-ubos sa kaso sa COVID 19 daghan ang mga bata ang miadto sa mall butang nga nabalaka ang mga eksperto.
Kini gumikan mga gagmay pa ang mga bata nga ang uban ang dili sanay sa pagsul-ob og facemask hinungdan nga gitanggal.
Gawas pa nga ang mall ang sirado nga lugar og daghan ang mga tawo.
Pwede nga mugawas ang mga bata apan muadto sa mga open space nga lugar susama sa park og uban apan hugot nga ipatuman gihapon ang mga protocols.
