GENERAL SANTOS CITY – Hustisya karon ang singgit sa pamilya sa Pinay DH nga dili pa lamang dugay giuli dinhi sa nasud nga patay na gikan sa Saudi Arabia, nga gikabutyag nga nagpakamatay.
Kini human nga wala gatuo ang pamilya ni Maricris Serato, taga-Malapatan, Sarangani, nga nagpakamatay kini.
Gumikan niini, nanawagan ang mga kabanay ni Maricris ngadto kang Pangulong Rodrigo Duterte nga tabangan sila, aron mahatagan ug hustisya ang pagkamatay ni Maricris, pinaagi sa pagduso ug imbestigasyon, kon unsa gayud ang tinuod nga gikamatay niini.
Kahibaluan nga base sa death certificate niini, nakabutang nga heart arrest ang gikabutyag nga cause of death kon hinungdan sa kamatayon ni Maricris, sukwhi sa gibutyag sa agency niini sa kauluhan nga miinom ug chlorine.
Una niini, matud sa igsuon ni Serato nga si Mary Che Salili, misugilon kaniya ang igsuon nga nahadlok ug nabalaka gumikan nagpakita ug motibo ang mga anak sa iyang amo nga nakakursunada kaniya.
Samtang, Setyembre 30 nanagawag kini nga muuli pagka-ugma.
Apan nahibulong matud pa sila nganong wala gihapon naka-uli paglabay sa pipila ka adlaw, hinungdan nga nanawag sa iyang agency, ug dugay pa nila nasayran nga patay na si Maricris.
