Hisgutanan ang balita nga nagbuwag na matod pa sila Julia Barretto ug Gerald Anderson human mamatikdan sa ubang netizens nga murag nangawala ang pipila sa ilang mga litrato nga magkauban sa social media, labi na sa Instagram.
Matod sa mga followers, naay mga posts nga gitangtang ni Julia, samtang ang uban nagpabilin.
Mas nidugang pa gyud sa mga ispekulasyon nga bulag na ang duha tungod wala si Gerald sa beach birthday celebration ni Marjorie Barretto, inahan ni Julia, usa ka okasyon nga kanunay gyud untang ginaapilan ni Gerald.
Sa maong selebrasyon, kauban ni Julia ang tibuok pamilya. Ang iyang mga igsoon, may tagsa-tagsang kauban nga partner, samtang si Julia nag-inusara.
Mao nga mitumaw ang mga pangutana sa netizens kung tinuod ba nga adunay problema ang ilang relasyon.
Dugang pa, may istorya nga gi-unfollow ni Claudia Barretto, igsoon ni Julia, si Gerald sa Instagram.
Bisan pa niana, dili gyud masiguro kung tinuod kini, tungod 48 ra ang iyang gi-follow, ug posible nga sukad pa kaniadto wala gyud siya ni-follow kang Gerald.
Samtang ang tanan naga-amping sa mga balita, si Gerald nakita nga nag-camping uban sa iyang inahan ug mga higala, layo sa birthday celebration sa pamilya ni Julia.
Kini nga lakang ni Gerald naghatag og dugang kalibog sa publiko.
Apan sumala sa usa ka kasaligan nga source nga duol sa duha, klaro ug diretso ang ilang tubag nga ‘confirmed’ nga dili tinuod nga nagbulag na sila Julia og Gerald.
Ang kamatuoran nga nag-solo camping ra gyud si Gerald. Buot ipasabot, bakak ra ang mga migawas nga nga istorya nga nagbulag na sila.
Usa lang kini ka ‘false alarm’ nga gipasamot sa mga assumptions sa social media ug kakulang sa klarong impormasyon.
