Pito ka pelikula matud pa ang ‘standing offer’ para sa reunion project nilang John Lloyd og Bea Alonzo.
Apan hilabihan matod pa kalisod kumbinsihon ang actor nga mobalik sa pag-arte, ug bag-uhay lamang nag-commit matod pa kini basta si Cathy Garcia-Sampana ang mamahimong direktor.
Ang hungihong, nagsugot na matod pa ang actor tungod kinahanglan usab matod pa niining makaangkon ug income tungod sa iyang mga ginikanan nga adunay giatubang nga hagit bahin sa panglawas.
Apan adunay ‘sources’ usab nga gikontra kini ug giingong dili kini tinuod kay daghan matod pa og kuwarta si John Lloyd og dili na niini gusto magtrabaho.
Hinuon, aprub na matodpa usab sa bana ni Bea nga si Vincent Co ang maong reunion project.
Nasayran nga dugay ng hisgutanan ang maong reunion project nilang John Lloyd og Bea nga halos walo ka pelikula ang giubanan.
