Masaligon gihapon si Senador Jinggoy Estrada nga way ebidensiya nga naglambigit kaniya sa giingong mga kickback sa mga flood control projects.
Kini ang gipahayag sa iyang tigpamaba nga si Atty. Bianca Soriano, may kalambigitan sa mga dokumento, computer files ug ubang impormasyon nga nahipos ni kanhi Bulacan Engineer Brice Hernandez nga nagsuporta sa una niyang mga pasangil batok sa mga magbabalaod nga nalambigit sa mga anomaliya sa flood control projects.
Siya nidugang nga si Estrada wa usab intensiyon nga pugngan ang pagdungog sa Senate Blue Ribbon Committee sa mga anomalosong flood control projects.
Si Hernandez una nang nipasangil kang Estrada ug Senador Joel Villanueva sa usa ka House hearing sa paggahin og P355 milyones ug P600 milyones nga pundo sa mga proyekto sa unang distrito sa Bulacan bugti sa giingong 30% nga pagputol.
