Gipangita na sa National Bureau of Investigation (NBI) ang hinigugma sa disc jockey og influencer nga si Jellie Aw nga si Jam Ignacio, kalabotan sa mga akusasyon sa pag-abuso, sumala sa pahayag ni NBI chief Jaime Santiago.
Sa usa ka presscon, gibutyag ni Santiago nga gitutukan sa NBI ang pagpangita sa suspek.
‘Hinahabol natin ‘yung kanyang boyfriend. So I asked her, baka naman lumuhod sa iyo ito, patawarin mo, sabi niya hindi. Tuturuan daw niya ng leksiyon. She wants the boyfriend to go to jail,’ sabi ni Santiago.
Dugang pa niya, ‘Kung suwe-suwertehin tayo, within the day, makukuha natin ‘yung boyfriend niya para mapanagot sa kasalanan na ginawa niya.’
Bag-ohay lamang dihang mikatag ang hulagway ni Jellie Aw nga nagkadugo og may bun-og sa nawong human mahitabo ang insidente sa pagpangulata.
Gihingusgan pa ni Santiago para sa mga nabiktima sa pagpangabuso nga dili pasagdan na magpadayon ang susamang matang sa pagtratar sa ilang karelasyon.
‘Wag kayong hayaan ninyo na abusuhin kayo ng inyong mga boyfriend. Alam niyo, walang ‘I love you’ forever. Kapag sinasaktan na kayo, hindi na kayo mahal niyan dahil hindi nga sinasaktan ang babae,’ sabi nito.
Dugang pa sa NBI Chief nga dili lamang pisikal nga pagpanakit ang angayang ikonsidera nga pagpangabuso kun dili lakip usab ang verbal abuse.
Padayon usab ang pagpaningkamot sa NBI nga matultulan ang boyfriend ni Jellie Aw samtang nagpadayon ang imbestigasyon sa insidente.
