Busy sa paghatag ug hinabang ang aktres ug vlogger nga si Ivana Alawi taliwala sa mga intriga sa iyang lovelife.
Sa iyahang latest vlog nga may title nga “Buhay Ospital”, nibisita siya sa Philippine Children’s Medical Center (PCMC).
Matud kang Ivana, last year pa niya giasikaso ang pagkuha ug mga permit nga kinahanglan aron maka-vlog siya sa nasampit nga ospital.
Nananghid usab sila sa tanan nga nagpakita sa iyang video.
Gihangyo usab niya nga dili laktawan ang mga ad sa vlog tungod matod niya nga ang tanan nga kita sa video idonar sa PCMC.
Gihatagan ni Ivana ang pipila sa mga pasyente og P50,000.
Apan dili lang ang mga batan-ong pasyente ug ilang mga ginikanan ang gikalipay ni Ivana tungod kay gihatagan usab niya og mga bag-ong cellphone ang doktor ug nurse nga mikuyog kaniya sa paglibot sa mga ward.
