Giaprubahan na sa gobyerno sa Israel ang ceasefire ug hostage release deal niini sa Hamas sa Gaza.
Naghatag kini og dalan aron hingpit nga epektibo ang kasabutan ugma, Domingo, Enero 19.
Kini nga desisyon gihimo human sa pipila ka oras nga diskusyon nga milungtad hangtod sa Biyernes sa gabii.
Naaa sa 2 far-right ministers kinsa misupak sa maong kasabutan.
Girekomenda na sa kabinete sa Israeli Security ang pag-apruba sa kasabutan ug giingon nga gisuportahan nila ang pagkab-ot sa mga katuyoan sa gubat, base usab sa usa ka pahayag gikan sa opisina ni Punong Ministro Benjamin Netanyahu.
Ubos sa kasabutan sa hunong-buto, 33 ka mga Israeli nga gibihag sa Hamas ang buhian baylo sa gatusan ka Palestinian nga mga binilanggo sa mga prisohan sa Israel alang sa unang bahin sa kasabutan nga molungtad sa 6 ka semana.
I-withdraw usab sa Israel ang mga tropa niini gikan sa Gaza, tugotan ang mga Palestinian nga makabalik sa ilang mga panimalay ug tugotan ang gatusan nga humanitarian aid kada adlaw sa Gaza.
Ang mga negosasyon alang sa ikaduhang hugna magsugod sa ika-16 nga adlaw sa hunong-buto, diin ang hingpit nga pag-atras sa mga tropa sa Israel ug ang pagpahiuli sa kahusay gipaabut..
Sa ikatulo ug kataposang bahin sa kasabotan mao ang pagtukod pag-usab sa Gaza nga lagmit moabot ug pipila ka tuig ug ang pagbalik sa nahibiling mga salin sa mga patay nga bihag.
