-- ADVERTISEMENT --
GENERAL SANTOS CITY – Giangkon sa PNP Regional Anti Cybercrime Unit sa Region 12 nga ning panahon sa pandemic nga nahimong uso na usab ang investment scam apan gipaagi sa online.
Matud pa kang P/SMsgt Edwin Arroyo sa RACU 12 nga ayaw gayud magtuo sa haylo nga dakong interest tungod daghan na ang nailad. Gikadugang pa niini nga gibag-o lang ang modos operandi kung asa gipaagi lang sa social media.
Kahibaluan nga katap kaayo sa GenSan og Sarangani ang investment scam sa miaging mga tuig kung asa bilyones pesos ang nakuha sa mga mangingilad.
Ang mga nasampit ang nagpasalig og 30% pataas kada bulan.
Sa pamahayag pa ni Arroyo nga maayo lang sa sinugdanan apan ang naulahi ang dili na makadawat sa gipasalig nga dakong salapi.
-- ADVERTISEMENT --
