GENERAL SANTOS CITY – Hugot na ang gihimong information dessimination sa gobyerno kalabutan sa pagparehistro sa sim card.
Matud pa ni Engr. Froilan Jamias, regional director sa National Telecommunication Commission(NTC) 12 nga sa December 27, 2022 na magsugod ang pagparehistro sa simcard.
Gibutyag pa niini nga dugay na nila nga giduso ang sim card registration og karon hingpit nga ipatuman. Ang tumong sa balaod nga maundang ang mga scammers sa ilang pagpangilad kung asa daghan ang nahimong biktima.
Kini tungod ang tanang mga simcard ang obligado nga iparehistro og kung dili marehistro ma-deactivate o dili na pwede magamit.
Base sa balaod nga ang impormasyon nga kuhaon atol sa pagparehistro gilangkoban sa tibook pangalan, Birthday, sex, kasamtangang address, ID card og ID number. Ang tanang ID nga gamiton sa pagparehistro ang angayang may picture og gi-isyu sa gobyerno.
