Gibutyag ni impeachment spokesperson sa Partido Demokratiko Pilipino-Lakas ng Bayan (PDA-LABAN) nga si Atty. Ferdinand Topacio nga di mahitabo ang pagbalibad sa mga senator-judges sa impeachment ni VP Sara Duterte tungod sa isyu sa political affiliation.
Ang abogado niinsistir nga dili matangtang ang kamatuoran nga ang proseso sa impeachment usa ka politikanhong proseso o adunay hugaw nga dula politika.
Kon mapugos ang ubang mga senador sa pag-recuse o dili pag-apil kon madayon ang husay, tungod sa ilang political affiliation ug political party, matod niya, siguradong wala nay senador nga magsilbing huwes.
Matag senador, adunay kaugalingong political affiliation, sanglit nidagan sila sa politika.
Matod niya nga dili husto nga hangyoon ang mga senador nga kaalyado sa bise presidente nga dili moapil ug tugotan lang ang mga senador nga dayag nga misaway kaniya nga moapil.
Gitumbok usab sa abogado ang mga senador nga adunay koneksiyon sa mga kongresista nga nipirma ug nidugang sa impeachment complaint batok sa bise presidente.
Gitataw usab sa abogado nga kinahanglang madetermina una sa 20th Congress kung aduna ba kini hurisdiksyon sa impeachment complaint batok kang VP Sara sa dili pa ipadayon ang pagdungog sa reklamo.
Sa pag-recap, ang reklamo gisang-at sa 19th Congress ug usa sa mga nag-unang pangutana karon kung ang sunod nga Kongreso adunay hurisdiksyon nga magpadayon ug hingpit nga paminawon ang kaso sa bise presidente.
