Posibleng makapagawas og desisyon ang impeachment court sa Senado bahin sa impeachment trial ni Bise Presidente Sara Duterte sa dili pa moabot ang Disyembre 16, sumala pa ni Reginald Tongol, ang tigpamaba sa maong korte.
Gipahayag ni Tongol nga nagkadako ang pagsalig sa impeachment court nga mahuman ang husay sa dili pa magsugod ang holiday recess sa Senado.
Namatikdan usab niya nga nag-una sa gikatakdang iskedyul ang dagan sa husay, bisan pa man nga adunay pipila ka adlaw nga nasuspinde ang mga proseso.
Matod ni Tongol, nakatabang sa pagpadali sa husay ang desisyon sa prosecution panel nga dili na ipresentar ang pipila sa ilang mga testigo.
Tungod niini, gikatahong nakadaginot ang impeachment court og 27 ka adlaw nga unta gigahin alang sa husay.
Gilauman usab nga mahuman na sa House prosecution panel ang pagpresentar sa mga testigo kalabot sa mga alegasyon sa wala masaysay nga bahandi batok kang Duterte sa dili pa matapos ang sunod nga semana.
