GENSAN – Matud ni Atty. Jeng Gacal, wala’y lig-on ug maayong basehan alang sa impeachment batok kang Presidente Ferdinand “Bongbong” Marcos Jr. ug Vice President Sara Duterte, ug kung ipadayon kini, ang labing maapektuhan mao ang katawhan, ekonomiya, ug pamuhunan sa nasod.
Sumala kang Gacal, ang impeachment usa ka sensitibo ug seryosong proseso nga kung walay klarong legal nga basehan, mahimong hinungdan sa politikal nga kagubot nga makadaot sa kalig-on sa gobyerno.
Gipasiugda niya nga ang mga investors posibleng magduhaduha sa pagbubo og kapital o pagnegosyo sa Pilipinas tungod sa kahimtangan sa politika nga makita nilang dili lig-on ug puno sa kontrobersiya.
Dugang pa niya, ang ekonomiya sa nasod mahimong maantala tungod sa pagkawala sa pagsalig sa mga lokal ug langyaw nga mamumuhunan, nga posibleng mosangpot sa kakulang sa trabaho ug hinay nga pagtubo sa ekonomiya.
Ang pahayag ni Atty. Gacal mitumaw taliwala sa nagkalain-laing diskusyon ug panawagan bahin sa posibleng impeachment batok sa pinakataas nga opisyal sa gobyerno.
