Ilang mga atletang Pinoy patuloy ang pamamayagpag sa World Games

Nagtagumpay sa unang round sa kani-kanilang events ng mga atletang Pinoy na lumalahok sa 2025 World Games sa Chengdu, China.

Pinangunahan ni wakeboarder Raph Trinidad na isa sa mga flag bearer sa opening ang naka-abanse na sa semifinals round.

Makaksama niya sa semis ang kapwa wakeboarder na si Eric Ordonez.

Pasok din sa semifinals si Rudzma Abubakar sa muay thai event matapos na talunin sa quarterfinals si Anastasiia Mykhailenko ng Ukraine.

Sasabak din sa gold medal round si Jones Llabres Inso sa Men’s Taolu Taijiquan Competition matapos na makapuwesto sa pang-anim na puwesto.

Gaganapin ang gold medal round ngayong Agosto 9.