-- ADVERTISEMENT --
Dili ipagawas sa Independent Commission for Infrastructure (ICI) ang mga rekording sa nangaging mga hearing bahin sa mga anomaliya sa mga proyekto sa pagkontrol sa baha, sumala sa tsirman niini nga si Andres Reyes.
Sa usa ka press conference karong adlawa si Reyes miingon nga nagtigom pa sila og ebidensya ug busa dili pa kini mapaambit sa publiko.
Kahinumduman nga niadtong Oktubre 22, ang ICI nagpahibalo nga ilang i-livestream na ang ilang mga hearing aron mapadayon ang transparency sa imbestigasyon.
Bisan pa, giklaro ni Reyes nga ilang gilatid pa ang saktong mga proseso ug palisiya sa dili pa kini ipatuman.
