GENERAL SANTOS CITY- Nakuhaan ug video ang rambol sa mga tricycle driver nga gitabangan ang usa pa ka tricycle driver sa may Quirino Avenue ning syudad kagahapon sa hapon.
Makita sa video nga nakahigda na sa kaluya ang lalaki human nga gitabangan ug kulata sa lain pang unom ka lalaki.
Gisulayan matud pa ug badlong sa duha ka security guards ang mga nagrambol .
Gikatingala matud pa nga kalit na lamang gitabangan ug sumbag ang usa ka tawo hinungdan sa rambol.
Gitambagan pa nga dad-on sa barangay ang away apan wala na kini matigayon human nag-iyahay ug lakaw ang mga nahisgutan..
Migawas sa komento sa mga netizens nga posibleng konektado ang maong panghitabo sa rambol nga natigayon sa usa ka mall sa syudad pipila ka adlaw kung asa mga driver ang nag-ilog ug pasahero nga nagresulta sa away,.
