Giangkon ni City PNP Director Col. Nicomedes Olaivar nga alarming ang kaso sa vehicular accident sa Gensan.
Sa iyang pamahayag nga ang kasagarang rason nga nahitabo ang disgrasya sa kadalanan gumikan sa human error kung asa hubog ang driver o kaha nakatulog ug gikapoy.
Gumikan niini hugot ang iyang panawagan sa katawhan ilabi kadtong mga gikan nangaligo sa mga beach ug outing nga kung mahimo dili mag-inum ang driver nga magmaneho og sakyanan gawas pa nga angayang may igong tulog.
Hangyo pa sa maong Opisyal sa mga motorista nga hinay lang sa pagpamaneho og sakyanan dayon sundon ang mga traffic rules and regulations.
Matud usab sa datus, daghan ang mga motorsiklo nga nalambigit sa aksidente gumikan paspas ang pagpadagan og ang uban ulawom sa impluwesiya sa ilimnong makahubog.
