Gipahibalo ni Sarangani Congressman Steve Chiongbian Solon nga nakapasar na sa Second Reading sa House of Representatives ang House Bill No. 7368, nga nagdeklara sa Nobyembre 30 isip “Jesus Reigns National Day of Worship.”
Nasayran nga ang Jesus Reigns nagsugod kaniadtong tuig 2012 sa dakbayan sa Cebu ug karon mikaylap na sa 82 ka probinsya sa nasud, nga naghiusa sa daghang Christians gikan sa lain-laing denominasyon alang sa pag-ampo ug pagdayeg sa Buhing Ginoo. Ang selebrasyon naglangkob sa mga misa, prayer gatherings, praise and worship sessions, ug uban pang espirituhanong kalihokan nga nagpalig-on sa pagtuo sa Kristohanon sa tibuok Pilipinas.
Usa si Congressman Solon sa mga kusganong nagduso sa maong balaodnon, nga nagtinguha nga hatagan og opisyal nga balaang adlaw ang tanang Christians sa Pilipinas aron maghiusa sa espirituhanong pag-ampo ug pagpasalamat.
