GENERAL SANTOS CITY – Gatuo si Liza Onding nga adunay sabotahe nga nahitabo sa kampo ni Jeff Horn tali sa referee og sa manager sa Australian boxer.
Gitawag sa igsuon ni Senator Pacquiao nga dirty figher si Horn.
Matud pa sa nasampit nga bisan kinsa ang pasultihon, tataw nga may daya nga nahitabo gawas ang hugaw nga istilo ni Horn sa pakigsangka. Luyo sa nahitabo, gidawat ni Onding ang kapildihan ni Manny.
Gibutyag usab sa pag-umangkon nga si Cheryl nga lami pagkaluto sa engkwentro nga gitandi pa niini sa humba.
Wala makauyon ang nasampit sa pagpabor sa mga judges kay Horn nga mudaog og dismayado usab sa referee.
Sa pahayag sa nasampit, nakahilak siya dihang nakit-an ang uyuan nga nagkadugo ang ulo.
Sa isyu sa rematch o kaha magretiro, gitugyan sa pamilya Onding ang desisyon sa pinoy ring icon.
