GENERAL SANTOS CITY – Gitudlong hinungdan sa mga residente sa mga hilit nga Barangay sama sa San Jose ang hinay kaayo nga signal sa internet busa wala sila makasulod sa online application sa cash assistance.
Kini human pipila ka residente ang nag-mulo nga basin sa maong sitwasyon wala sila madawat isip mga benipisyaryo tungod wala makaabut ang ilang mga signal.
Tambag sa DSWD nga kung ingon niani ang nasinati-an sa mga residente mamahimo nga mamalihog sa mga kabanay nga adunay kusog ang signal sa internet og ang importante lamang nga mabutang ang mga pangalan sa estudyante lakip na ang mga impormasyon sa pagtungha ug lakip sa mga ginikanan.
Kay kung makaabut ang kinahanglan nga datus sa DSWD mupadala dayon kini ug abiso nga tubagon ug kompletuhon ang mga pangutana ug kung makapasa padad-an ug abiso ang estudyante ug didto na unya tawagan sa ilang mga kabanay aron adtu-an ang lugar nga ihatag ang cash assistance.
Mitagana ang gobyerno ug P1,000 alang sa mga elementary students, samtang P3,000 alang sa senior high school ug P4,000 alang sa mga estudyante sa kolehiyo.
