GENERAL SANTOS CITY – Angayang tubagon sa higanteng television network ang mga alegasyon sa Office of the Solicitor General may kalabutan sa ilang nahimong mga kalapasan.
Kini ang reaksyon ni Edwin Espejo, usa ka mamahayag sa pakighinabi sa Bombo Radyo human ang nahimong lakang sa OSG kung asa nag-file og quo warranto petition batok sa media giant sa Supreme Court.
Gibutyag niini, balido man o dili ang gipasang-at nga quo warranto petition anaa sa korte na ang desisyon kabahin niini. Sa panglantaw ni Espejo adunay legal issues kabahin sa prangkisa og wala gapamersonal si Pangulong Rodrigo Duterte sa maong tv network.
Gani wala niini ginapugngan ang bisan kinsa nga mubatikos kaniya og kamatuoran may ubang media entity nga gabatikos kaniya apan wala man niini gipasirado.
Apan giangkon ni Espejo nga masubo nga hunahunaon nga kung ugaling dili ma-renew ang prangkisa sa maong tv network kung asa daghan sa mga trabahante niini ang maapektuhan.
