GENERAL SANTOS CITY – Walay equipment nga sarang magamit ang syudad aron ibton ug ibalhin ang dakong punu-an sa acacia apan mugamit ang syudad ug excavator ug flat bed .
Kini ang pahayag ni ENRO assistant department head Manuel torres atubang sa konseho. Gibutyag niini nga walay heritage tree ang syudad basi sa iyang pagkahibalo butang nga nagreact si Vice Mayor Rosalita Nuñez nga 77 ka tuig na kining nagpuyo sa syudad nasaksihan niini ang pagdako sa nahisgutang kahoy.
Sa pag-atubang niini sa konseho gihingusgan niini nga dili maayo nga putlan ug sanga ug gamot ang kahoy tungod sa posebilidad nga matumba kini sa ipatukod nga gambalay nga maghatag ug peligro.
Samtang gisogyot ni Vice mayor Nuñez nga maghimo ug bag-ong desinyo sa ipatukod nga city hall aron mapreserba ang giingon niini nga heritage tree.
Gani gibutyag niini nga nangamatay ang mga punu-an sa Narra nga giibut sa national highway ug gitanum sa gensanville Bula ug mabuhay nga namatay.
Gikwestyon hinuon niini si Torres nga nagpaila nga usa ka enviromental Manager kung pila ka gallon sa tubig ang mapreserba sa gamut sa acacia apan wala makatubag niini ang forester.
Nasuta nga gitabangan ug pangutana si Torres sa mga konsehal kalabutan sa kampanya sa gobyerno nga mananum ug kahoy apan dihang mudako na ug mapuslan sa kadaghanan yano na lamang kining putlon u kaha tumbahon.
